ترحل وتحسبني لارحلت اقدر ع نسيان

وترحل تحسبني لارحلت اقدر على النسيان..
وانا اللي لاطرا طاري رحيلك ضعت بشتاتـــــي

دخيلك ،،بسألك لارحت منهو فينا الخسران..
أنا والاّ انت ؟،،جاوب قبل ماتكتب بي آهاتـــــي

أنا اللي من عرفتك والسما قوس وغلاك الوان..
وأرضي تعزف اهزوجة فرح لاجتْك خطواتي

وصوتك غيمة ٍ أحيت جفافي ، والوصل هتّان..
وحزن عمري يموت بضحكتك ياكل بسماتـــي

تعرف انك غلاي وراحتي ، وان التعب لابان..
يموت ان جيتلك ياللي هواك اجمل حكاياتـــــي

وتعرف اني على بساط انتظاري أجمع الأحزان..
واكبّلها اذا وصلك اخذني من متاهاتــــــــــي
انا من قبل اعرفك مالقيت لهالعمر عنوان..
سوى : حزن وأمل ضايع ،ويأسي هو مداراتــــــي

أنا من قبل اعرفك كنت اقول ان الغلا حقران..
واقول ان الهوى كذبه ،،قناعاتي كما الآتــــــي

قليل اللي صدق ،،واللي يخون بهالزمن كسبان..
كثير اللي يمرون ،،وقناعاتي قناعاتـــــــــــي

وجيت انت وعرفت اني بحكمي كنت انا الغلطان..
وصرت انت القناعات ،،وحنيني إتجاهاتــي

دخيلك ،،مابقى فيني شعور ٍ يحتمل خذلان..
دخيلك لاتخليني أسير ليأس راياتــــــــــــــــــــــي

أنا مدري عن اللي لي تشيل بداخل الوجدان..
عور بحب ،أو رغبة تشمّت بانكساراتـــــــــــــي

وكل اللي ابي تعرف: انا مااقدر على النسيان..
لأني جيت لك كلي ،،وصعب آعيش بشتاتـــــي

م/ن

مبدع يا الغالي
واصل
نحتاج ابدعك

روعه حيــل

مخاوي لاعدمنا ذائقتك

عواافي

روعه حيل

يسلموو مخااوي

تحيتي

تسلم ياغلا

لاهنت

يسلموو

مزمز

يسلموو ياغلا
دمت بود

روع حييل

كل الود

رووعه وربي رووعه

تسلم مخااوي

شاعر

ابيات روعه

تحياتي لك

قصيده روعه

مودتي

قصيده حلوه

خجوله

ذائقه مميزه

الله يعطيك العافيه

» ايها العضو تفضـل قبل ان ترحل