لا يفوتكم موووووقف يبكييييي

هذي قصه صارت لي تمنيت عقبها ان الارض تنشق وتبلعني ولا انحط بهذا الموقف ...
اقروا انتو واحكموا

الرررجه ماهيب زينه (مقوله ابوي الشهيره لابنه الشهير اللي هو انا)
الله يسلمكم كنت كل يوم بعد صلاة العصر اريح شوي في المسجد يعني اسلم على الشيبان وسوالف معاهم بما انهم اصدقاء الوالد ...

بس استغربت وجود واحد منهم كانه اول مره يجي للمسجد لاني اول مره اشوفه ... الشايب الله يصلحه شايف نفسه يمشي مشية الغروور عرفتو قصدي (رافع عضلاته وراسه على فوق ويناظر الناس بطرف عينه كانه يبي طقاق)

المهم ناظرته ارتفع ضغطي بس رحت وخليته وقلت في نفسي هذا ناوي طقااق مو داخل يعبد ربه
اليوم الثاني جلسم جمبي وانا باصلي ورجف رجلي (رفسها) لفيت عليه ولا بعد من قواة العين يحط عينه بعيني يعني وش عندك ...

تعوذت من بليس وقلت يا خويلد استهدي بالله واستغفر ذا الشايب كف منك يموت اسفهه عقله صغير عده واحد من عيال اهلك البزارين

المهم صليت يوم سلمت اخذني اخونا في الله ومسك يدي وقعد يضغطها طول ما احنا نمشي ...قعد يمتر المسجد رايح جاي اقوله يا خال وش فيك يقول اصبر اصبر ....الين عدت ربع ساعه وراح وخلاني

انا بذا الوقت طرررررطعت ركبت السياره وطقيت الطبلون لللبيت بسررررعه وصقعت بالباب ونمت من العصبيه ...(ما ابي اذبح احد )
اليوم اللي بعده اول ما خلصت من الصلاة جا ابو الحلوين ومسك يدي طبعا انا قلت خلااااص كفايه بأه ...باحجره في الزاوية واموته طق

مشا بي لين طلعت من المسجد وكنا بالطريق ناااصين السياره توقعته بيركب بس العجيب انه صقع (صدم)بالسيارة وبقوة ولا يقول هييييه انت ما تشوف يومك تصقعني ؟؟؟

انا شبيييييييت قلت الحين انا اللي ما اشوف ولا انت يومك مدرعم كذا للسياره والله ناس تجيب الهم والغم
قال الشرهه مو عليك علي انا اللي ما قلتلك انا ضريييير عميييان
انا وجهي علامة استفهام كبيييره

صار يومه بالمسجد يرجفني قصده بيشوف انا جنبه ولا لاء ...ويومه يمتربي المسجد بيشوف كيف يمشي معي ويومه ياخذني لللشارع يبيني اصرف له من البنك عشانه ضرير ويبي يوثق باحد
طبعا انا تعذرت منه بس مانفع مع انه سامحني بس انا ما سامحت حالي

وصرفت له والمفاجأه انه في رصيده مبلغ فوووق ال(100)الف انا هنا دلخت بس صرفت المبلغ المطلوب وسددت فواتيره من عندي وصار الحين غالي عل
وش رايكم بالموقف ..............ابوي الحبيب ما يغلط يوم يقولي مرجوج ومطفوق