مشاركه استاذنك بسافر ايام واجيك

₪ ∫∫ ∫∫ ₪≈السلام عليكم ورحمة الله وبركاته≈₪ ∫∫ ∫∫ ₪




[ندعوك للتسجيل في المنتدى أو التعريف بنفسك لمعاينة هذا الرابط]






استاذنك بسافر ايام واجيك
وان طالت ايام السفر لاتحاتي




حتى ولو طولت ماني مخليك
ياللي بدونك وش تسوى حياتي




تأمر على حاجة ؟ بأودعك واليك
عسى عوض الايام في المقبلاتي




حتي يدي ماودها تفارق يديك
ساكت وانا اشوف البلا في سكاتي




ماشفتني لارحت منك التفت فيك
بلاي والله روحتي والتفاتي




لكن قبل ماأروح ودي أوصيك
وانت الوحيد اللي يقدر وصاتي




لاحدا سألك وقالك وين مغليك؟؟
قله لوازم لاقضاها بياتي




وان طروا النسيان ماني بناسيك
ياراس مالي في الحياة وغناتي




وان طروا السلون ماني بساليك
طيفك معي حتى وأنا في صلاتي




وقلبي وهو قلبي لامر طاريك
لولا ضلوعي كان عزوا مماتي




لو جض صدري كان يمديه يأتيك
ويبات عندك ويهنآ بالمباتي




أنا وقلبي والغلا ساكنن فيك
وانته وقلبك والغلا وسط ذاتي




غلاك مثل الحكم عند المماليك
اكبر طموحي ..لا كل امنياتي




شف في غيابي أي حاجة تسليك
لاني بعدك اسلى مع ذكرياتي




احاول اذكر اي شيء يطريك
واقول هو سوى وانا ذي سواتي




كأني موادع كل شيء حواليك
وكأني حسبت حساب حزة وفاتي




أحب لأني ماقدر أنساك وأبيك
ولاأقدر أخليك ياللي تحاتي




معنى أحب وماأقدر انسى وأخليك
يعني بدونك وش تسوى حياتي ؟؟


مما راق لي